إسرائيل كعلنات على إصابة ستة من الجنود ديالها فجنوب لبنان.

أعلن الناطق الرسمي باسم الجيش الإسرائيلي، نهار هاد التنين، على إصابة ستة ديال العسكرين بجروح متفاوتة الخطورة، خلال عمليات عسكرية دارت لبارح الأحد فجنوب لبنان، وهادشي وقع فثلاثة ديال الحوادث معزولة. الحادث اللول وقع وقت الظهر، مللي تضرب صاروخ مضاد للدروع على فرقة عسكرية، هادشي اللي تسبب فإصابة جوج جنود بجروح بليغة. وفواقعة ثانية، طاحت طائرة ميسيرة “درون” وتفركعات حدا تجمع ديال العسكر، الشيء اللي خلف إصابة جندي بجروح خطيرة وجوج خرين بجروح متوسطة. زيادة على هادشي، تصاب جندي سادس بجروح متوسطة فحادث عملياتي أخر فنفس المنطقة. الجيش أكد بلي تم نقل ݣاع المصابين عبر المروحيات وسيارات الإسعاف للمستشفيات باش يتلقاو العلاجات الضرورية، وتم إخبار العائلات ديالهم بما جرى، فلوقت اللي باقي فيه التحقيق جاري باش يتعرفو كاع التفاصيل والملابسات ديال هاد الحوادث الثلاثة.