إضراب مفتوح كيبدا من 13 أبريل.. العدول كيعلنو المواجهة مع الحكومة ووكيهددو بشلل توثيق المعاملات والاستقالة الجماعية بسباب مشروع القانون الجديد.

دخل قطاع العدول فالمغرب فمرحلة ديال “البلوكاج” وتصعيد مسبوق، من بعد ما قررات الهيئة الوطنية دخول فإضراب مفتوح ابتداء من 13 أبريل. هاد الخطوة جات كاحتجاج قوي على مشروع القانون رقم 16.22، اللي تآهمو فيه الحكومة بالانفراد فالقرار وإقصاء المقاربة التشاركية، وضربه لجوهر المهنة واستقرار المعاملات. بلاغ الهيئة أكد باللي هاد القرار جا من بعد سلسلة ديال الإضرابات والوقفات اللي ما لقاتش آذان صاغية عند الجهات الوصية. العدول كيشوفو باللي الصيغة الحالية للمشروع كتهدد “الأمن التعاقدي” للمواطنين وما كتراعيش الواقع المهني الميداني. وفخطوة كثر راديكالية، لوحات الهيئة بإمكانية تقديم استقالة جماعية وتنظيم وقفة احتجاجية قدام البرلمان، باش تحرج الحكومة سياسيا ومؤسساتيا. هاد التوتر كينذر بشلل تام فتوثيق العقود والبيوع والمساطر المدنية اللي كتمس حياة المغاربة اليومية. ومن جيهتهم، العدول كيحملو المسؤولية الكاملة للحكومة فتعطيل هاد المرفق الحيوي، معتبرين باللي الدفاع على كرامة المهنة هو دفاع على منظومة حقوقية كاملة، ومشددين على أن التراجع ما غادي يكون إلا بفتح حوار حقيقي كيحترم مكانة العدل كحلقة أساسية فتوثيق الحقوق وصيانة الملكية.