الحكومة كدّير إجراءات باش تحمي جيوب المغاربة من التوترات اللي كاينة فشرق الوسط.

فإطار هاد التوترات الجيوسياسية اللي كيعرفها العالم، وبالخصوص فالشرق الأوسط، تحركت الحكومة المغربية بقرار استباقي باش تحمي الاقتصاد الوطني والقدرة الشرائية ديال المواطنين. ترأس عزيز أخنوش أول اجتماع للجنة وزارية خاصة، باش يدرسوا تأثيرات هاد الأزمة، سيما مع التقلبات اللي كيعرفها سوق الطاقة والمواد الأولية. الحكومة قررات تستمر فدعم “البوطا” والكهرباء باش يبقاو الأثمنة مستقرة وما يتأثرش القوت اليومي ديال الأسر، وخا ثمن الغاز فالعالم طلع كتر من 68% فهاد شهر مارس. وباش ما تطلعش تكاليف النقل، تطلق دعم مالي استثنائي لمهنيي قطاع النقل (الطاكسيات، الكيران، الشاحنات، ونقل البضائع والمسافرين)، كيهم الفترة ما بين منتصف مارس ومنتصف أبريل، من بعد ما تدرسات أزيد من 87 ألف طلب. هاد الخطوات الهدف منها هو ضمان تموين الأسواق بانتظام والحفاظ على استقرار الأثمنة. اللجنة الوزارية غادي تبقى مواصلة الخدمة ديالها بشكل دوري باش تتبع الوضع الدولي وتدخل فالحين بقرارات كتحصن الاقتصاد المغربي وكتعزز الصمود ديالو قدام الأزمات الخارجية.