عائلتو عندها استثمارات فالمملكة.. businessman مصري كايتراجع على منشور كيفتقد للاحترام فحق الملك محمد السادس، وكأكد بلي “ما كانش كيقصد” الإساءة.

اضطر الملياردير المصري نجيب ساويرس لتقديم توضيحات واعتذار رسمي عبر منصة “إكس”، بعد موجة غضب وانتقادات واسعة من طرف المغاربة. هاد الجدل ناض بسباب تدوينة ساخرة لساويرس، أقحم فيها اسم وشخص جلالة الملك محمد السادس فنيقاش داخلي مصري كيتعلق بوزير الأوقاف أسامة الأزهري، اللي ظهر مؤخرا لابس الجلباب المغربي فواحد العزاء. ساويرس، اللي كتعتبر عائلتو من أغنى العائلات فالمجال الاقتصادي وعندها استثمارات سياحية مهمة فمدينة الصويرة، لقى راسو فموقف محرج بعدما اعتبرو نشطاء مغاربة أن كلامو فيه إساءة لرمزية ملك البلاد وتقليل من شأن اللباس التقليدي الوطني. وفمحاولة لتدارك الموقف وتهدئة الأوضاع، أكد رجل الأعمال المصري فمنشور جديد بلي كيكن “كل الاحترام والتقدير لملك المغرب”، ووضح بلي القصد ديالو كان كيتعلق فقط بنوعية الزي وأنه ماشي مصري، مشددا على أنه “من أشد المحبين للمغرب وللشعب المغربي”، فخطوة لرد الاعتبار وتصحيح سوء الفهم اللي تسببات فيه تدوينتو الأولى.