نكسوس كور سيستمز كإطلق منصة “AI Factory” ديالها فالمغرب.

فالسياق ديال معرض “جيتيكس إفريقيا المغرب 2026″، تم التوقيع على مذكرة تفاهم استراتيجية بين شركة “Nexus Core Systems” ووزارة الانتقال الرقمي، ووزارة الاستثمار، ووكالة “AMDIE”، باش يبدا التنفيذ الفعلي لمشروع “Nexus AI Factory Plateform”. هاد الاتفاق تيسر بحضور الوزيرة أمال الفلاح السغروشني وسفير ميريكان ومدراء الشركة. هاد المشروع العملاق كيرتكز على استثمار إجمالي كيوصل لـ 12 مليار درهم مقسمة على جوج مراحل، وهدفو يخلق 125 منصب شغل مباشر فآفاق 2027. المرحلة اللولة غاتعرف استثمار 5 مليار درهم فمنطقة النواصر لإنتاج طاقة رقمية ديال 16 ميغاوات مع خلق 50 منصب شغل. أما المرحلة الثانية، فغادي تخصص لـتوسعة فجهة الشمال بميزانية 7 مليار درهم باش تزيد 20 ميغاوات أخرى. هادشي غايخلي القدرة الإجمالية توصل لـ 36 ميغاوات، مما كيعزز مكانة المغرب كقطب تكنولوجي رائد فالذكاء الاصطناعي على المستوى القاري.